Presidenti amerikan Joe Biden paralajmëroi sot se pritet që Irani të ndërmarrë sulme kundër Izraelit “shumë shpejt”, duke ofruar një perspektivë jo të favorshme për situatën. Duke iu përgjigjur pyetjeve të gazetarëve në një konventë të liderëve të të drejtave civile, ku ai bëri vërejtjet e tij, Biden shprehu shqetësimin e bazuar në raportet e inteligjencës, të cilat nuk mundi t’i detajojë më tej.

Në pyetjen se çfarë porosie do t’i dërgonte Iranit në lidhje me një sulm të tillë të mundshëm, përgjigja e Biden ishte e qartë dhe e prerë: “Mos”.

Sipas burimeve të afërta me vlerësimet e inteligjencës perëndimore që citohen nga Bloomberg, Izraeli është në gjendje gatishmërie për një sulm të drejtpërdrejt dhe të paprecedentë nga Irani ndaj objektivave të qeverisë këtë të shtunë.