Mbrëmë, për shkak të mjegullës së dendur, disa fluturime në Aeroportin Ndërkombëtar të Shkupit janë anuluar ose riorientuar.

Sipas njoftimeve nga uebfaqja zyrtare e aeroportit, dukshmëria ishte vetëm 200 metra, gjë që ka çuar në pezullimin e trafikut ajror për arsye sigurie.

Kujtojmë se gjatë këtij muaji ka pasur anulime të shpeshta të fluturimeve për shkak të kushteve të pafavorshme atmosferike, kryesisht nga mjegulla e dendur.

Pasagjerët këshillohen të kontrollojnë me kujdes statusin e fluturimeve të tyre përpara nisjes.